محمود ياسين "جونيور":مبسوط اني لابس زي عمرو دياب وجدي كان بيتهاجم زينا على الموضة

كشف الفنان الشاب محمود ياسين "جونيور" عن رأيه في ظاهرة القميص الشفاف والموضة  الجديدة التي اجتاحت الوسط الفني مؤخرا .
وقال:انا بشوف ان الجمهور لما بيحب شخص بيبقى عايزه يبقى شبهه ولما بيشوفه بيعمل حاجة مختلفة بيتضايق.
وأكد جونيور أن بعض الفنانين يتعمدوا ذلك أحيانا بغرض الاختلاف قائلا "في فنانين وأنا ممكن أحتاج لدة بيبقى عاوز يعمل ستايل لنفسه لأن الشخصية البي بتطلع بيها دي في حفلة مثلا مش شخصيتك الحقيقية لكن بتكون مواكبة للحالة وساعات مبيفرقش معاهم دة إيجابي ولا سلبي لكن انا بيفرق معايا ويهمني الناس متتضايقش ومتفهم الآراء السلبية لحاجة زي دي" 
وأكد محمود ياسين جونيور ايضا أن انتقادات الجمهور لموضة الفنانين المختلفة واجهها في السبعينات الفنان الكبير الراحل محمود ياسين قائلا "انا دي في السبعينات كان بيلبس الموضة ساعتها وكانت الاجيال الأكبر منه مستغربة دة وبيقولوا إيه السوالف والقمصان والبنطلونات دي وكل فترة ليها الستايل بتاعها وبرضه هتلاقي ناس بتنتقدها ودة بيحصل دلوقتي لما بلبس شبه جيلي هتلاقي جيل اكبر مني بينتقدني" 
وعن ظهوره مؤخرا مع النجم همرو دياب بقميص شفاف مشابه لقميص الهضبة قال "الموضوع جه صدفة ودي حاجة تبسطني اني لابس زيه لكن بحترم انتقادات الناس وبتفبلها ولو حسيت اني لابس او قلت حاجة معجبتش الجمهور بكون حريص مكررهاش تاني" 
وشارك مؤخرا محمود ياسين جونيور في مسلسل الكتيبة ١٠١ في رنضان الماضي والذي دارت أحداثه حول "الكتيبة 101" التابعة للقوات المسلحة المصرية، وكيف نجحت في التصدي للهجمات الإرهابية في محافظة شمال سيناء.